رثــــــاء :(

هي الحيـاه و لكنهـــــــا                         بـــــــــدون ابٍ لا تــــــــــعــــــاش
كنا لا نفهم معني " بابــا  "                   لكننــا بــــــعد رحيلــــــه افتقدنـــــــــــــــاه
ندمنا و ليــــت النــــدم                          يعيـــــــــــــد الاحبــــــــــــــــــــــــــــــــاء
كفانا تذمرا علي الاباء                          فأننــــــــا بدونهــــــم كــنبته مرعـــــــاء    
فهم بركه الحياه و بدونهم                     لا نكون شيئا مهما علت الرتبـــــــــــــاء
هًلا نقول ورده جميله                          و ينقصها عطـــــــر و ألـــــــــــــــوان
كفانا حياه بدون حياه                            فهو حياتي و كل ما دونه ليست بحياه
في جنه الخلد ربنــــا                            ارنــــــــــــــــــــــــــــــا أيـــــــــــاه
و اجعله سببا لدخولنا                           جنـــه الــــــــفردوس الـــــعليــــــــاء
صحبةٌ و اي صحبة                              نحــــن فعــــلا اشـــــتقنـــــــــاه
روحه تطير حولـــي                              تلاحقني في كل مكـــــــــــــــان
صوته يردد في اذنــي                            لـــعلي استيقظ من الاحـــــلام
قلبي يقــفز شوقــــــــــا                          حيـــن اراه في المنــــــــــــام
اصبحت لا اري معني لحياتي                   بــعد فراق الاحبــــــــــــــــاء

                           مرعاء: النبات الذي ليس له جذور

25 يناير

ثورة 25 يناير ثوره عظيمه اطاحت بالفاسدين من اجل ان نعيش بكرامه و عزة نفس و شرف و من اسبابها العديدة ذل الشعب المصري من الحكومه ، و تزوير اوراق رسمية كثيرة ، و رئاسه لا يهمها سوى مصالحها الشخصية، و عشنا لهم عبيدا للاكثر من ثلاثين سنه . و عندما قررو الحرية ؛ تجمعو شباب الفيس بوك علي حلم التغير وجيل جديد لن يتنازل عن حقه المشروع مهما كان الثمن بكل ما يملكون من اراده و عزيمة فنزلوا كل شوارع و ميادين مصر الكبيرة في مظاهرات سلميه و هتافات معبره عن غضب هؤلاء الشباب بكل تحضر و ايجابيه و اصرار علي رحيل كل الفاسدين من رؤساء و مرؤسين و مطالبه بتعديلات لضمان حقوق المواطنين و محاكمات لجميع الخائنين . و لكن مع اصرار من الحكومه علي قمع هؤلاء الشباب و محاولتهم للاخماد هذه المظاهرات السلميه بأساليب غير ادميه فكانو يطلقون القنابل المسيله للدموع و الرصاص المطاطي و الحي علي الشباب المتظاهر لتفريقهم و محاوله لفض هذه التجمعات ، و لكن لم يصمد و لم يقل اصرارهم حتي مع سقوط عدد كبير منهم جرحي و شهداء في سبيل تحرير مصر من كل الفاسدين و عدم التخلي عن حلم التغير الايجابي لمصرنا الغاليه . و ظهرت في هذه الاعتصامات و المظاهرات روح التلاحم و الاحترام بين جميع فئات الشعب من مسلمين و مسيحيين ، فكان من يحمي المسلمين في صلاتهم هم اخوانهم المسيحيين و العكس . فنفو بذلك  كل شائعات الفتنه الطائفيه بينهم . و بظهور تكاتف جميع فئات الشعب من شباب و شيوخ و اطفال فيما ما يسمي باللجان الشعبيه للمقاومه الشعبيه لحماية منازلهم و ممتلكاتهم الشخصية من الخارجين عن القانون ، ظهرت روح التألف و الموده بين جميع افراد الشعب ككل  ،و بعد نجاح ثورة الشباب في اسقاط الطاغيه و اعوانه و اعلان تنحي الرئيس عن منصبه و بدايه لعهد ديموقراطي جديد مليئ بحرية الرأي و التغيير و مستقبل افضل لمصر و المصريين جميعا. فعلي جميع الافراد احترام القواعد و القوانين و الحفاظ علي ما حققناه من انتصارات عظيمه و التحلي بروح ايجابيه عالية . أخيرا .... و قد حدثت انتفاضه لبقيه الشعوب علي اثر نجاح ثورة شباب مصر علي امل التغير ...

اعجبتني ... م ن ق و ل

قلوبكم
مدينة جميلة نقية
فحافظوا على نظافتها
ولا تفتحوا أبوابها إلا لأولئك الذين يستحقون
نعـم
قلبكم الأبيض وطن .. وحلمكم الأخضر مدينة
فنظفوا طرقاتها من أثار أقدامهم ..
إذا شعرتم يوماً أو اكتشفتم أنهم لا يستحقون !!
ولا تصدقوا
مهما حاولوا إقناعكم
أن في القلب غرفة واحدة فقط ..
لا تستوعب سوى إنسان واحد
يكون هو الحب .. وهو الحلم .. وهو الحياة
وأن هذا الإنسان إذا ما فجعنا يوماً برحيله
توقفت ساعة الزمن عنده ..
وتوقفت الدنيا بعده
أبـداً
ففي القلب غرفٌ كثيرة ..
يقيم فيها الكثير من الناس الذين نلتقيهم
وتجمعنا بهم الحياة في ظروف مختلفة ..
ونقاسمهم تفاصيل الحياة ثم يرحلون تاركين خلفهم أشياء كثيرة مختلفة
فالبعض
منهم يترك خلفه وردة حمراء .. تفقد بريقها مع الوقت ..
والبعض منهم .. يترك خلفه حلماً ناقص النمو .. يلفظ أنفاسه مع مرور الوقت ..
والبعض
يترك خلفه جرحاً نازفاً لكنه يلتئم مع الوقت ..
وهنالك من يترك خلفه إحساساً بالندم ..
نحتسيه فترة من العمر
لكنه أيضاً يتلاشى مع مرور الوقت !!
فهذه هي
لعبة النسيان ..
تلك اللعبة التي يمارسها الوقت معنا ..
ونمارسها نحن على قلوبنا مرغمين ..
حين نشعر بأن الذكرى قد تعوق خطواتنا الثابتة نحو الحياة ..
ومع مرور الوقت نتقن اللعبة
فنلعبها على أنفسنا .. فننسى .. ونتناسى ...
لكننا
بالتأكيد حين نزور مدينة قلوبنا
نلتقي الكثيرين من الناس ..
الذين نحتفظ بهم في أعماقنا والذين لم يتمكن غبار الوقت من إخفاء ملامحهم ..
فنصافحهم بشوق ... ونحتويهم بحنين .. ونتذكرهم بألم !!.
جميل
إن نحبهم إلى الأبد ..
لكن الأجمل .. أن يبادلونا هذا الحب إلى الأبد ..
كي لا يتحول إحساسنا الجميل تجاههم إلى نوع من العذاب نمارسه على أنفسنا ..
في الوقت الذي لا يشعرون فيه بنا !!
فالألم العظيم
هو أن تحب إنساناً لا يحبك ..
والألم الأعظم .. هو أن تحب إنساناً يحب سواك ..
لأن إحساسك الجميل يتحول مع الوقت إلى زنزانة مظلمة تعيش فيها وحدك ..
وتحلم فيها وحدك .. وقد تموت فيها وحدك ..
ولا يشعر بك .. إلا أنت ..
فاعتذروا لقلوبكم
إذا أخطأتم يوماً الأختيار ..
واحرصوا على أمانيكم الجميلة ..
فهذا الزمان يغتال الأحاسيس الجميلة..
ويفقدنا القدرة على الحب ..
وأشياء أخرى ..
لاتستمر الحياة إلا بها ..
فشكراً
للقلوب التي أحبتنا ..
وبرغم الحب لم تخلص لنا ..
وشكراً أكبر ..
للقلوب التي أخلصت لنا وبرغم الإخلاص لم تحبنا ..
فأحيانا
قد نشعر بها ..
ولا نقولها .. وأحيانا أخرى ..
نقولها .. ولا نشعر بها ..
ترى
هل يدرك أولئك الذين مروا في هذه الحياة ..
ولم يتذوقوا الحب يوماً ..
أنهم أبداً لم يمروا .. ؟

الجدار

الجدار و ما ادراك ما الجدار

من ورائه حصار

و الدمع يذرف من رؤيا النار

و العين اعتادت علي رؤيه الدمار

و السماء قد امتلات بالشرار

و القلب من اعصار دم المستجار قد احتار

و لا اصدق عيني و بيتي امام عيني انهار

جدار جدار و ما ادراك ما الجدار

اطفال و ابرياء دمائهم تجري علي الاحجار

و الام تبكي,,, و هل من مجار؟؟؟

و الاب ينزف دمع الفراق علي دم الاحرار

و دام علي هذا الحال تكرار

من السبب في هذا الدمار

و هل سيدوم هذا الانتظار

في وجهه كل عدو جبار

لا يعرف للشعب رحمه و لا غفران

جدار جدار و ما ادراك ما الجدار

 و من الجانب الاخر

حيث الوضع الراهن

الكل من افعال الرئيس استثار

و سنورث و ما للتوريث من عمار

دمار و دمار و دمار

كلنا في انتظار القائد المغوار

عن حصن بلده يثور و يستثار

عن عرض بناته يدافع مدافعه الابطال

و يحفظ مصرنا من الاشرار

جدار جدار و ما ادراك ما الجدار

لا اقوي علي دفع الاقمار

لمنع نشر هذه الاخبار

عن كل من ساعد في كبت الاحرار

و قتل مسببي هذا العار

و التاكد من اخذ التار

من كل عدو جبار

لا يعرف للشعب رحمه و لا غفران

جدار جدار و ما ادراك ما الجدار

.... و سلامتكم

يا حكمك يا جي :)

كل ما جاء به النهار نسيم ... و كل ما جاء به الليل عليل
و كل ما خط به الرحمن مفعول.... فﻻ تكن من ناكريه فتصبح ملعون
ان الذي بيده كل شيئ عليم ... فكل ما في نفسك معلوم
فأحسن عملك المفعول .. و ﻻ تبدئ ردئ الفعول
و صن نعمه لعلها تزول ... و ﻻ تتخلي عن حقك المعلوم
فكل امرئ بالحق علوم ... فﻻ تكن عديم العلوم
و ابدل مكان خطأك بالحق تبديل ... و تيقن ان الله علي كل شيئ عليم

بركان الغضب

ثور يا بركان الغضب
ثور و عبر عن الغضب
امته تثور و توحد العرب
ثور ورينا ازاي الغضب
ثور ووحد العرب
امته يرجعلي حقي المغتصب
و نقول لا للغضب
ما خلاص اتوحدو العرب
و رجعلي حقي المغتصب
و لا لازم علشان اعيش اقدم طلب
بقبول الذل و العار و الهوان  المرتقب
فين العرب فين العرب!؟

روح اكتوبر .... دمنا مش رخيص

روحي فداكي يا وطني عليك
و الاحرار دايما تحميكي
روحي وروح كل الملايين
وقت الجد للعدا واقفين
مسلم مسيحي كلنا ايد واحد
ساعه الجد متحدين
صاحب صاحبه و مش خايفين


و اللي راحو فداكي يا وطني
عايشين فيا و مش ناسيين
روح اكتوبر دايما حولينا
بالذكرى دايما تحيينا
هلال صليب مش فارقين
وطني عالي ليوم الدين ٠٠٠ و سلامتكم

سليمان خاطر .

لا كان عالبال و لا عالخاطر
دم سليمان خاطر
  الطاهر
يروح هدر و الظاهر
ان احنا من كتر سكوتنا
بقي في مليون سليمان خاطر
معلش يا بلد بكرة مسير الحق ظاهر
بس خوفي كلنا نبقي سليمان خاطر
و يبقي الحق في البلد دي مش ظاهر
ما الحكومه بتاخد العاطل بالباطل
ايه ذنب سليمان خاطر
ايه ذنب سليمان خاطر
دا سؤال و عايز اجابه من الشاطر ٠٠٠٠و سلامتكم

النسيم

نظر الندي الي حالي فبكى
و الندي من البعاد قد انتهى
و الزهر و دع حاله و انتهى
و جف نسيم الهوى و جفا
و الربيع من حزني قد  انجلا
و الزرع من فيض عيني قد  ارتوى
و الطير من اجلي اوقف الشذى
و السماء بكت من حزني انا ...و سلامتكم

يوم ما انتصرنا

انتصرنا و افرحو يا ملايين

ارفع راسك بكل فخر و عزة دين

انت مصري مهما قالو علينا سنين

ساكتين علي حقنا و مش عارفين

نرجعه من كل الحراميه و النصابين

و ياما مات مننا ابطال و احنا مش حاسيين

و ياما اتقال علينا كلام و للاسف فضلنا ساكتين

بس يوم ما قررنا الحريه .. نزلنا و بالملايين

و اعتصمنا و حلفنا مش راجعين

الا لما ترجع حريتنا و لو بعد شهور و سنين

طلع بيان و اتنين و تلاته محبطين

بس كنا صامدين و مصرين

علي رحيل كل الفاسدين

من حكومه و رؤساء و مرؤسين

و تعديل دستوري نضمن بيه حقوق المواطنين

و محاكمات عسكريه لكل الخاينين

نجيب بيه حق اللي ماتو و اللي عايشين

و كده يبقي العيد عيدين

و بجد نقدر نقول

انتصرنا و افرحو يا مصريين

و ارفع راسك بكل فخر و عزة دين ... و سلامتكم

اسمه ميدان التحرير

في مصر ام العجائب

كان في ميدان كبير

اسمه ميدان التحرير

يتراح له من علي كوبري قصر النيل

و ياما اتغني عليه مواويل

ميدان يشهد له البشر علي مر السنين

و ارتوي بدمهم مئات الشهدا الطاهرين

اللي كانوا عايزين .. يحررو بلدهم من الخونه الظالمين

و الغريب رغم كبره ما كفاش المتظاهرين

و قال بيقولو علينا قله و مندسين

و كمان بيقولو علينا شباب مش فاهمين

و بأجندات خارجيه مدعمين

بس في الحقيقه هما اللي متغيمين

و عن حقيقه شبابنا كانو مفكرين

شباب اي كلام نت و موسيقي و تافهين

بس يشهد لنا العالم كله دلوقت قد ايه احنا متفتحيين

و عن مشاكلنا مش مغيبين

و ادينا اتجمعنا و في اكبر الميادين

و عن حقنا تاني مش متنازلين

حنقولها و بأعلي صوت و مش خايفين

مصر بلدنا فوق الكل مهما قال انا مين !!! ... و سلامتكم

انا بحبـــــك يا بلادي

صبحك الله بالخير يا بلادي

و الخير دايما جواك

و الروح فداك

عالشباب اللي سهر لحماك

و كان هاين عليهم جفاك

و مش عارفين ينعمو في لؤاك

و يوم ما حسيتي بألم جواك

كله شالك و لبي نداك

و قرر ان شاء الله يموت فداك

فديتك انا و كل دم اخواتي

اللي راحو علشان يفضل اسمه جواك

شهيد يتنعم في حب هواك

و يوم ما وقفتي و سندناك

و كنا حمى حماك

و الحمد لله رجعناك

و من نومك صحيناك

و يا امي يلي كنت زمان حماتي

دلوقت بقولها من جوايا و جواك

الله عليك يا بلادي

يا حبيبت قلبي و روح فؤادي

و اخر كلمه بقولهالك

بحبك يا مصر

و العاقل يفهم كلماتي ... و سلامتكم

في ذكري عبارة السلام

وحده يا وحدتي* فين الناس و اهل حتتي *
فين الناس الطيبين اللي علي فطرتهم عايشين
معقول كل الناس بقت ضايعين و ضمايرهم ماتت من سنين
عبارات قطارات طيارات ......فيهم ناس ميتين
من اهلي و اهلك و اهل ناس تانين
قالو الحق راجع و ادينا مستنيين
يمكن يرجع بعد ضياعه لسنين و سنين
متحملين صامدين و قادرين
نستني لو يعدي العمر سنين
حق اللي راحو و اللي عايشين
من عبارة السلام ما كناش متوقعين
 تغرق في البحر و الناس مش حاسين
نايمين و مفكرين انهم في امان قاعدين
تغرق العبارة و الناس مرعوبين
يقولو " احنا بنحلم و لا دا بجد و احنا مش حاسيين"
غرقت العبارة و معاها اسرار لناس عايشين
متمتعين باموال الناس اللي اتشرد من بعدها اسر و اهالي ناس تانيين
قالو حنعوض اهالي الناس الميتين
بس للاسف كان فيهم ناس لسه عايشين بس محبوسين
و عن الانظار متخفيين
 لانهم عارفين بمصايب المالكين
لعبارة السلام الغشاشين
ضحكو علينا و قالو تنفع  ”بيس ” احنا شغالين
بس لا بيس و لا حاجه و ادينا ساكتيين
لفت انتباهي لقصه ناس عاديين
ام و اولادها بعد سنين رايحين يشوفو ابوهم و فرحنين
يضيعو كلهم و الاب يبقي حزين
يالف فيهم شعر يبكي العنين
و قصه الولد المسكين
اللي نجي و شاف اهله قصاد عنيه غرقنين
دا كلام بس يا ترى الافعال فين!!....و سلامتكم

دنيـــــا

دنيا غرييه و حالها غريب
دنيا واخدنا لبحر غريق
دنيا غريبه و مش سيبانا نفرح فيها ان شاء الله قليل
دنيا عايزة دنيا  عليها
و احنا اصلا مش عايشين
دنيا فيها الاخوات ناهبين
 حق بعض و مش راضيين
دنيا فيها الحق غريب
و الضمير مش لقيين له قريب
دنيا عايش فيها الخاين
 و الطيب ما لهش نايب
دنيا عايزة الحوت يحكمها
و اللي في حاله يبقي غريب
دنيا مش راضيه بقاليلها
و قاليلها مش راضي بيها
غاليه الدنيا و مش عارفين
حتي العيش مش اكلين
قالو للدنيا تخف علينا

جيل التغيير

جيل التغير يعني تعمير يعني قضاء علي ما و من هو حقير
جيل التغير يعني تغيير و الناس بكرة تعيش في بيوت عاديه  مش خربات زي الحميير
جيل التغيير يعني كرامه و الناس تعيش مكرميين مش متهانيين مضروبين مقتوليين
و الناس واقفه مكتوميين مش عارفين يقولو مين
لانهم لو قالو مين يبقوا خلاص مدمريين و بمصيبه ورا الشمس رايحيين
التغير يبقي مستقبل شايفينه بعنينا مش بس تفكير
المستقبل المضون الكريم لينا و للاولدنا الجايين
حيقولو مين اللي غيركم
نقولهم احنا" كنا" مظلومين
من الحكومه ضايعين
من الشرطه مضروبين
و من اللي حولينا مسروقيين
بس
ما سكتناش عالحق الضايع
و صحينا بس في الوقت الضايع
حققنا اللي بنحلم بيه
و بعد ما كان جهاد ضد الخونه و الفاسدين
بقي انتصار علي الخونه والفاسدين ... ليوم الدين
مش عايزة ادي صوره ورديه للمستمعين
لان مش كل الناس حيبقوا متغيريين في اعداء ضد التغير
في الاول حنتعب بس ان شاء الله منصوريين
الكلام سهل بس حنتغير بجد
قولو امين.....و سلامتكم

احمد شعبان ..

احمد شعبان ..
في نفس المكان و نفس العنوان
و من نفس الضباط كمان
و لغايه امته يا زمان
حنفضل ساكتين علي دا الحال
و الشعب بيموت واحد ورا التاني منوال
علي ايد الحكومه و اتفرج يا سلام
ضرب و تعذيب و رمي في الترع كمان
و مش بعيد يجي عليك الدور بكرة من غير ما يكون في الحسبان
تموت كده من غير ما يكون لك افعال
بس كده تموت ٠٠٠و دي رغبه المحتال  
امته نفوق و نصحح كل الاحوال
لان لو ما اتغيرناش حيبقي علي الدنيا السلام
و حتعم الفوضي و الاستسلام
و نعيش في ذل طول الايام
دم احمد و خالد و فلان و فلان
راح فين ...
يلا رجعوا بلاش استسلام
و ضعف و بلاش تجريكم الايام
خلي في دم حامي مش قادر ما يصدش الطغيان
ولا قادر يسكت علي افعال الجبان
لازم يكون في ردود افعال
و اكيد بكرة حتثبت لنا الايام
ان التغير هو الصح علي مر العصور و الازمان ....و سلامتكم

اخويا و اخوكم خالد سعيد .. دي كانت اول ما عرفت موضوع قضيه الشهيد "خالد سعيد"

الحياه دي غريبة مش بتدي الانسان كل الي هو عايزة ٠٠بجد انا مش عارفة كتبت الكلام ده بيه  فجاة لقيتني بتملى حروف كلماتها  المهم انا حاسة اني نفسي ارجع للمداومة علي التاليف  و الكتابة
ححاول  ان شاء الله
---


ليه الدنيا مش سيعاني
حاسس اني واحد ثاني
 في عنيه حزن و الدمعه مش سيباني
اخويا مات غدر حبكي علي ايه ثاني
 مين في الدنيا حيبقالي
 و يا دنيا لو مش قد آلامي
مين فيكي حيبقي أماني
 أماني أزاي و انا وحداني
 حاسس ان الدنيا مش سيعاني
قالولي مصر هي امي و هي اللي حتشيل همي
رحت لقتها مهمومة اكثر مني
 و انا اهو  قاعد مستني
حد ياخد بيدها و بيدي
حد يفك اسرها و اسري
يا تري في امل تاني
 ارجع و اعيش من ثاني
ولا حتفضل زي ما هي ايامي
 كل يوم بيتكرر زي اليوم الاولني
 يوم ما قتلو حته من كياني
 يوم ما قتلو في الاماني
 و قالولي حق اخوك حيرجع من ثاني
مين الجاني فين الجاني
---
كل يوم بسمع صوت اخويا بوداني
مش هو لوحدو هو كل اللي ماتو  زيو يوماتي
 يوماتي واحد بيموت ولا حد قال فين حق اخواتي
بس ارجع و اقول من تاني
 مصير الحق يطلع في العالي
 و ندوس علي كل اللي مفكر نفسه في العلالي
و نقول حقنا و حق كل اخواتي
 رجعلنا و يا سلام علي الدنيا رجعت ضحكتلي من تاني
 مبروك يا امي و يا كل امهاتي
 حق اخواتي مش رخيص لاء غالي *** و سلامتكم ...

"بدون عنوان "

بدون عنوان

قبل الثورة او بمعني ادق قبل تفجير قضيه الشهيد " خالد سعيد " . كانت امه الله لا تتكلم او تفقه شيئا في السياسه لا من قريب و لا من بعيد . و لكن بعد و لكن بعد مشاركتي المتواضعه جدا مع اعضاء الجروب الذي تناول فضيته و سبب في تفجير معظم قضايا  التعذيب في النظام السابق .. وجدت نفسي و اكتشفت في اعماقي ما لم اكن اعرف انه بداخلي من اسلوب سياسي و بالاضافه الي تعرفي علي اشخاص جديده في حياتي لها الفضل في تغيير مسارتها و لم اكون اتوقع ان اتعرف عليهم شخصيا  الي هذا الحد من الصداقات ..
و استمرت هذه المشاركات علي حداه حتي اذن الله بتفجير ثورة 25 يناير ليعبر بها الشعب عن نفسه غاضبا و رافضا لكل ما يحث من فساد و تعذيب و توريث و ضياع لابسط حقوق المواطن و استغلال لنفوذ سلطه الحاكم علي المحكوم .. كانت مشاركتي التي لا تكاد تذكر بالنسبه الي ما قدمه البعض فداء للوطن  .. و لكن حقيقه يوم لا انساه من ذاكرتي ابدا

حتي جائت بعض الظروف القهريه و بدأت انسلخ شيئا فشيئا حتي ابتعدت شبه تماما عن الحياه السياسيه .. فقط ان حدث و سمعت الاخبار و علقت عليها في مخيلتي و لا اشارك بها احدا .. _ فقط تغيرت اهتماماتي  _  فلا اشارك بأرائي الا من يسألني  عنها
فخلاصه قولي ...
لم اعد اعرف و لا اريد ان اعرف شيئا عما يحدث  الا رؤوس اقلام حتي لا اكون مغيبه عن حاضري .. و سأكتفي بذكري جهادي علي جهازي ايام الثورة  التي بدأت اتشائم منها بسبب ما يفعله  البعض بغض النظر عن هذه الافعال .

حيث اني  اريد ان اخسر اصدقاء بسبب اختلافنا بالاراء السياسيه.. و عملا بقول اختلاف الرأي لا يفسد للود قضيه .

ووصل بي الامر انني لا ادري من سأرشح في الانتخابات القادمه  و هذا بسبب جهلي و عدم معرفتي بالشخصيات العامه في البلد و علي الساحه السياسيه فبالتالي  لست قادرة علي تحديد الصالح من الطالح ...
اهم و احلي ما خرجت به من حياتي السياسيه ... حيااااااااااتي القادمه بأذن الله ...والي ان يحين موعد الاعلان عنها لا يسعني الا ان  احتفظ بها في كياني و احافظ عليها الي الابد  بأذن الله

تحياتي ...